काठमाडौं– अमेरिकाबाट अतिवादी समूहमा भर्ना हुन पाकिस्तान जान लागेका एक व्यक्तिले गोप्य योजना संघीय जाँचबुझ व्यूरो (एफबीआई)लाई चुहाएपछि पक्राउ परेका छन् ।

पाकिस्तनामा सक्रिय रहेको आतंकवादी संगठन लस्कर ए तैएबामा भर्ना हुन जान लागेका जेसस विल्फ्रेडो इन्कान्र्सनलार्ई संघीय अनुसन्धान व्यूरो एफबीआईले पक्राउ गरेको हो ।

लस्कर ए तैएबा समूहमा भर्ना हुनका लागि पाकिस्तान जान लागेका उनलाई न्यूयोर्कको जोन एफ केनेडी विमानस्थलबाट नियन्त्रणमा लिइएको हो । अदालतले उनलाई दोषी ठहर गरेमा २० वर्षसम्मको जेल सजाय हुनसक्ने सीबीएसले जनाएको छ ।

पाकिस्तानमा सक्रिय आतंकवादी समूह लस्कर ए तैएबा सन् २००८ मा मुम्बईमा भएको आक्रमणसहित अरु कैयौँ आतंकवादी आक्रमणमा सामेल रहेको बताइन्छ ।