काठमाडौं– रसायनिक मल खरिदमा दिइँदै आएको अनुदान ५० प्रतिशतले बढाएको छ।  आगामी आर्थिक वर्षको बजेटबाट रासायानिक मल मल खरिदमा दिइँदै आएको अनुदानमा ५० प्रतिशतले वृद्धि गरिने अर्थमन्त्री डा. युवराज खतिवडाले घोषणा गरेका छन्।

मल खरिदमा अब ९ अर्ब रुपैयाँ अनुदान उपलब्ध हुनेछ। यसअघि ६ अर्ब रुपैयाँ अनुदान मल खरिदका लागि दिइँदै आएको थियो। यसैगरी उखु किसानलाई अनुदान दिन ९५ करोड रुपैयाँ विनियोजन गरिएको खतिवडाले बताए। सबै प्रदेशमा नमुना औद्योगिक कृषि फार्म स्थापना गर्न प्रोत्साहन गर्ने खतिवडाले बताए।

मध्यम खालका कृषकलाई परियोजना धितोमा नै ऋण दिइने भएको छ। यो ऋण साना किसान विकास बैंकबाट उपलब्ध हुने छ। यसका लागि एक अर्ब छुट्याएको बताएका छन्। कौशी खेतीलाई पनि प्रोत्साहन गर्ने उनले बताए।