काठमाडौं- राष्ट्रिय क्रिकेट टोलीका मुख्य प्रशिक्षक जगत बहादुर टमटाको अध्यक्षतामा नेपाल क्रिकेट प्रशिक्षक संघको स्थापना गरिएको छ । नेपालमा रहेको क्रिकेट प्रशिक्षकहरुको मंगलबार भएको भेलाले ११ सदस्यीय नेपाल क्रिकेट प्रशिक्षक संघ (सिसीएएन) को तदर्थ समिति गठन गरेको हो ।

कार्यसमितिमा अध्यक्ष टमटासहित उपाध्यक्षमा राजु बस्नेत, सचिब वसन्त शाही, कोषाध्यक्ष कैलास बिष्ट रहेका छन् । यस्तै सदस्यहरुमा सामसन जङ्ग थापा, शेरबहादुर लामा, मनोज कटुवाल, निरा राजोपाध्याय, प्रकाश शर्मा, रिजन प्रजु, ज्ञानेन्द्र छेत्री छन् ।

क्रिकेट प्रशिक्षक संघ नेपालमा पहिलो पटक स्थापना गरिएको हो । संघले प्रशिक्षकहरुका समस्या समाधानमा एक भएर लाग्ने बताएको छ । यस्तै संघको सल्लाहकारमा अरुण कुमार अर्याल र सुनोज भट्टराई छन् भने नारायण राज अर्याल कानुनी सल्लाहकार रहेका छन् ।