एजेन्सी- टोटनह्यमका डिफेन्डर केइरन ट्रिपर नेशन्स लिगको लागि घोषणा गरिएको २३ सदस्यीय इग्ल्याण्डको टोलीमा अटाएनन् ।
तर, कप्तान ह्यारिकेन भने गोलीगाठोको चोटका बाबजुद पनि टोलीमा अटाएको बीबीसीले उल्लेख गरेको छ ।

लिभरपुलका टेरेन्ट एलेक्जेन्डर र सिटीका वालकरलई ट्रिपरले खेल्ने राइट व्याकमा स्थान दिन टोलीमा राखिएको छ ।

इग्ल्याण्डले ६ जुनमा सेमिफाइनल खेल नेदरल्याण्डसँग खेल्दै छ । आयोजक पोर्चुगलले स्वीट्जरल्याण्डसंग अर्को सेमिफाईनल खेल्ने छ ।

इग्ल्याण्डका प्रमुख ग्यारेथ साउथगेटले ट्रिपरलाई टिममा नराख्नु निकै गारो तर गर्नै पर्ने निर्णय भनेका छन् । ट्रिपरले गत विश्वकपमा उत्कृस्ट प्रदर्शन गरेका थिए । सेमिफाईनल खेलमा उनले इग्ल्याण्डका लागि गोल गरेका थिए । उनले १६ क्याप जितिसकेका छन् ।