काठमाडौँ – साफ यू-१९ महिला फुटबल च्याम्पियनसिपको पहिलो खेलमा नेपालले आज शनिबार घरेलु टोली बंगलादेशसँग प्रतिस्पर्धा गर्दैछ।
बंगलादेशको ढाकास्थित विर श्रेष्ठ शहिद सिपाही मुस्तोफा कमल स्टेडियममा नेपालले आज पौने ७ बजे बंगलादेशको सामना गर्ने भएको हो ।
नेपालले अब दोस्रो खेलमा श्रीलंकाविरुद्ध यही मंसिर २९ गते, तेस्रो खेलमा भुटानविरुद्ध पुस २ गते र अन्तिम खेल भारतविरुद्ध पुस ४ गते खेल्ने कार्यतालिका छ । शीर्ष दुई टोली फाइनलमा प्रवेश गर्नेछ । फाइनल खेल पुस ६ गते हुनेछ ।
राउन्ड रोबिनको आधारमा जारी प्रतियोगितामा आयोजक बंगलादेशसहित नेपाल, भुटान, भारत र श्रीलंकाले सहभागि छन् ।
प्रतिक्रिया