काठमाडौँ– प्रहरीले आइतबार काठमाडौँको दरबारमार्गस्थित विइङ ह्युमन क्लोथिङ पसलमा छापा मारी ६९ लाख ५० हजार नगद रुपैयाँ स्रोत नखुलेको फेला पारेको थियो । सो विषयमा प्रष्टीकरण दिँदै विइङ ह्युमनले सोमबार सो रकम सहकारीबाट ऋण लिएको र व्यापारबाट आर्जन भएको दाबी गरेको छ ।
आइतबार प्रहरीले सो रकमको स्रोत खुल्न नसकेको भन्दे रकमसहित एकजनालाई पक्राउ गरेको थियो । तर, ह्युमनले भने सो पसलसँग सम्बन्धित एकजनाले जग्गा किन्न सहकारीबाट ऋण लिएको पैसा र पसलको पैसा भएको बताएको छ ।
विइङ ह्युमन भारतीय अभिनेता सलमान खानले स्थापना गरेको सामाजिक संस्था हो । विइङ ह्युमन नेपाल क्लोथिङ पनि सो सामाजिक संस्थासँग सम्बन्धित छ ।
प्रतिक्रिया