कोही आफन्तको मृत्युपछि शवलाई जातीय संस्कार अनुसार दाहसंस्कार वा अन्तिम संस्कार गर्ने परम्परा हुन्छ । मृत्यु र त्यसपछि आत्माको अन्तिम यात्राका बारेमा हिन्दु धर्मशास्त्र गरुड पुराणमा केही संस्कार र नियम बारे बताइएको छ । गरुड पुराण अनुसार मृत शरीर सहित मृत व्यक्तिको आत्माको शान्तीका लागि केही संस्कार गर्नुपर्ने हुन्छ ।

क) आफन्तको मृत्यु पश्चात अन्तिम संस्कार भन्दा पहिले नुहाइदिनु पर्ने र त्यसपछि सफा कपडा लगाइदिएर शरीरमा चन्दन, घिउ र तिलको तेलको लेप लगाइदिनुपर्ने मान्यता छ ।

ख) धार्मिक मान्यता अनुसार अन्तिम संस्कार गरेर फर्कँदा आफन्तजनले पछाडि फर्केर हेर्न नहुने मान्यता छ । यसो गर्दा आत्माले पनि परिवारको मोह त्याग्ने विश्वास गरिन्छ ।

ग) गरुड पुराणमा मृत्यु भन्दा अघि पनि केही काम गर्नुपर्ने बारे बताइएको छ । जीवित हुँदै मानिसले मृत्युपछि आत्माले कष्ट नभोगोस् भन्नका लागि तिल, फलाम, सुन, कपास, नुन, अन्न, जमिन, गाई, जलपात्र र चप्पल दान गर्नुपर्ने धार्मिक मान्यता छ ।