भारत– भारतीय राष्ट्रपति रामनाथ कोविन्दले तल्लो सदन लोकसभा विघटन गरेका छन् ।

१७ औं लोकसभा चयनका लागि हालै भएको आम निर्वाचनको अन्तिम नतिजा घोषणा भएपछि राष्ट्रपति कोविन्दे १६ औं लोकसभा विघटन गरेका हुन् ।

आम निर्वाचनको अन्तिम नतिजा अनुसार सत्तारुढ भारतीय जनता पार्टी भाजपा एक्लैले ३०३ सिट जितेको छ भने भाजपा नेतृत्वको नेशाल डेमोक्र्याटिक अलासन्स एनडीएको गठबन्धनले ३५२ सिट जितेको छ ।

५४५ सिट रहेको लोकसभामा सरकार बनाउन २७२ सिट आवश्यक रहनेमा यसपाली भाजपा एक्लैले सरकार गठन गर्ने देखिएको छ । प्रधानमन्त्री नरेन्द्र मोदीले सरकार गठन गर्ने प्रक्रिया शुरु गरेसँगै शुक्रबारमात्र आफ्नो पदबाट राजीनामा दिइसकेका छन् ।

अर्कोतर्फ यो चुनावमा विपक्षी काँग्रेस पार्टीले भने केबल ५२ सिटमा चित्त बुझाएको छ भने काँग्रेस नेतृत्वको युनाइटेड प्रोग्रेसिभ अलायन्स युपीएको गठबन्धनले भने ८७ सिट ल्याएको छ ।