काठमाडौँ । सर्वोच्च अदालतका पूर्वप्रधानन्यायाधीश नयनबहादुर खत्रीको निधन भएको छ ।

सर्वोच्चका सहायक प्रवक्ता नगेन्द्र कालाखेतीले दिएको जानकारीअनुसार खत्रीको बिहिबार राती निधन भएको हो । दिवंगत खत्रीको शनिबार बिहान पशुपति आर्यघाटमा दाहसंस्कार हुने भएको छ । कालाखेतीले शनिबार आर्यघाटमै सर्वोच्चको पुर्ण बैठक बसेर शोक प्रस्ताव पारित गर्ने र अदालतका कामकारबाही समेत बन्द गर्ने निर्णय हुनेछ ।

१ सय वर्षको उमेरमा निधन भएको हो । नेपालको छैटौँ प्रधानन्यायाधीशका रुपमा उनले २०३३ सालदेखि २०४२ सालसम्म सर्वोच्चको प्रधानन्यायाधीशका रुपमा कार्यरत थिए ।  खत्री कानून आयोगको समेत ३ कार्यकाल अध्यक्ष बनेका थिए । प्रेस काउन्सिलमा समेत अध्यक्ष बनेका खत्रीको उपचारका क्रममा मेडिसीटी अस्पतालमा निधन भएको हो ।