काठमाडौं । फिफा विश्वकप छनोट अन्तर्गत समूह चरणको आफ्नो अन्तिम खेलमा जर्मनीले फराकिलो जित निकालेको छ ।
यस अघि नै विश्वकपमा छनोट भईसकेको जर्मनीले आइतबार राति अर्मेनियालाई ४-१ गोल अन्तरले हराएको हो ।
जर्मनीलाई जित दिलाउन इल्के गुन्डोगानले दुई गोल गरे । यस्तै काइ हार्भटेज र जोनास होफम्यानले एक एक गोल गरे ।
अर्मेनियाका हेनरिक मिखीटेरीयानले एक गोल फर्काए पनि त्यो सान्त्वना गोल मात्रै बन्यो ।
यस जितसँगै समूह जे को जर्मनीले १० खेलमा २७ अंक जोड्यो । अर्मेनिया १२ अंक जोडेर चौंथो स्थानमा रह्यो ।
छनोट अन्तर्गत यसै समूहको अर्को खेलमा नर्थ मासेडोनियाले आइसल्याण्डलाई ३-१ ले र रोमानियाले लिचेस्टाइनलाई २-० ले हरायो ।
प्रतिक्रिया