काठमाडौं – विभागीय क्लब नेपाली सेनाको त्रिभुवन आर्मीका तीव्र गतिका बलर विक्रम सोवले प्रधानमन्त्री कप एकदिवसीय राष्ट्रिय क्रिकेट प्रतियोगिता गुमाउने भएका छन् ।

आठौं राष्ट्रिय खेलकुद प्रतियोगिताका दौरान घाइते भएका उनले प्रधानमन्त्री कप एकदिवसीय क्रिकेट प्रतियोगिताबाट बाहिर बस्नु परेको हो । प्रदेश नम्बर २ को खेलमा ‘साइड स्ट्रेन’ भएपछि विक्रमले केही समय अगाडि सम्पन्न कर्णाली प्रिमिएर लिग क्रिकेट समेत खेलेका थिएनन् ।

चिकित्सकको सल्लाह अनुसार अझै २ देखि ३ हप्ता उनले आराम गर्नुपर्ने भएका कारण प्रतियोगितामा सहभागी नहुने विक्रमले बताएले बताएका छन् । राष्ट्रिय टोलीका लागि संर्घषरत बिक्रमले घरेलु प्रतियोगितामा आर्मीका लागि उत्कृष्ट प्रदर्शन गर्दै आएका छन् ।

प्रधानमन्त्री कप क्रिकेट प्रतियोगिता शुक्रबारबाट शुरु हुँदैछ । प्रतियोगितामा ७ प्रदेशका टोली र ३ विभागिय टोलीबीच प्रतिस्पर्धा हुनेछ ।