भारत पञ्जावको गरदासपुर लोकसभाका लागि बिजेपीका तर्फबाट उम्मेदवार बनेका भारतीय फिल्म उद्योगका कलाकार सनी देवलले प्रारम्भिक मतगणनामा अग्रता बनाएका छन् ।

यो सीटमा सनी कांग्रेसका उम्मेदवार सुनील जाखडा र एएपीका पीटर मासिहलाई टक्कर दिइरहेका छन् । आफ्ना मनपर्ने कलाकारले धेरै मत पाइरहेको भन्दै सामाजिक सञ्जालहरुमा सनीलाई बधाइ दिन शुरु गरेका छन् भने कतिपयले विजेतासमेत घोषित गरिसकेका छन् ।

त्यस्तै मथुराबाट उम्मेदवार बनेकी बीजेपीकी उम्मेदवार हेमा मालिनी रालोदका उम्मेदवार कुवन्द्र नरेन्द्र सिंहलाई सोह्र हजार भन्दा धेरै मत अन्तरले अगाडि छिन् । उनी २०१४ मा पनि मथुराबाट बीजेपीको तर्फबाट विजयी भएका थिइन् ।

त्यस्तै सञ्जय दत्तको बहिनी प्रिया दत्त भने पछि परेकी छिन् । कांग्रेसको तर्फबाट उम्मेदवार रहेकी उनलाई भाजपाकी उम्मेदवार पुनम महाजनले पछि पारेकी छिन् ।