काठमाडौँ– नेपाल बङ्गलादेश बैंकले आफ्नो संस्थागत सामाजिक उत्तरदयित्व अन्तर्गत ९० भायल रेम्डिसिभिर औषधि ट्रपिकल तथा सरुवा रोग अस्पताल, टेकुलाई प्रदान गरेको छ ।
उक्त औषधि नेपाल बङ्गलादेश बैंकका प्रमुख कार्यकारी अधिकृत ज्ञानेन्द्र ढुङ्गानाले शुक्रराज ट्रपिकल तथा सरुवा रोग अस्पतालका निर्देशक डा. अनुप बास्तोलालाई हस्तान्तरण गरे ।
बैंकले कोभिड–१९ संक्रमणको उच्च जोखिमको बेला उक्त अस्पतालले गरेको कामको सराहनाका साथ औषधि हस्तान्तरणका लागि चयन गरेको बैंकले जनाएको छ ।
बैंकले सामाजिक उत्तरदायित्वलाई सधैँ उच्च प्राथमिकतामा राख्ने गरेको बैंकद्वारा जारी विज्ञप्तिमा जनाइएको छ । बैंकले आफ्नो बङ्गलादेश स्थित साझेदार बैंक आईएफआईसी बैंकसँग मिलेर आर्थिक बर्ष २०७६/७७ मा र २०७७/७८ मा पाँच–पाँच हजार भायल रेम्डेसिभिर नेपाल सरकारलाई सहयोग स्वरूप प्रदान गरेको थियो ।
उक्त औषधि बङ्गलादेशका लागि नेपालका राजदूत वंशीधर मिश्रलाई ढाकास्थित नेपाली दूतावासमा हस्तान्तरण गरिएको थियो ।
नेपाल बङ्गलादेश बैंकले हाल एक सय शाखा, १० एक्सटेन्सन काउन्टर र ८१ वटा एटीएममार्फत सेवा प्रदान गर्दै आएको छ । बैंकले ‘सबैका लागि बैंक’ आफ्नो मूल मन्त्र बनाएको छ ।