काठमाडौँ– प्रतिनिधिसभाको बैठक २९ कात्तिकसम्मका लागि स्थगित गरिएको छ ।
प्रतिनिधिसभाको बिहीबारको बैठकमा राष्ट्रपति कार्यालयबाट प्राप्त कार्यभार तोकिएको सम्बन्धी पत्रको व्यहोरा सुनाइएको थियो । राष्ट्रिय दलित आयोगको वार्षिक प्रतिवेदन ०७७/७८ पनि पेस गरिएको थियो ।
साथै प्रतिनिधिसभाको बैठकले लगातार अनुपस्थित सांसदहरूबाट प्राप्त अनुपस्थितिको सूचना स्वीकृत गरेको छ ।
बिरामी भएर स्वास्थ्य लाभ गरेका र उपचार गराइरहेका सांसदहरूको अनुपस्थितिको सूचना स्वीकृत गरेको सभामुख सापकोटाले जनाए ।
उनले पूर्वप्रधानमन्त्री झलनाथ खनाल १३ पटक, कर्मा घले १३ पटक र प्रदीप गिरी पनि १३ पटक बैठकमा अनुपस्थित रहेको जानकारी दिए ।
प्रतिक्रिया