अफगानिस्तान– उत्तर अफगानिस्तानको बाल्ख प्रान्तमा इस्लामिक लडाकु समूह तालिबानविरुद्ध सेनाले गरिरहेको सैनिक कारवाहीका क्रममा ३ लडाकु मारिएका छन् ।

बाल्ख प्रान्तका गाउँहरुमा रहेको तालिाबन लडाकुलाई लखेटी ती गाउँलाई मुक्त गर्ने अभियानअन्तर्गतको सैनिक कारवाहीका क्रममा अन्य २० जना घाइते भएका छन् । पछिल्लो सैनिक कारवाही अन्तर्गत तालिबान लडाकुका साथबाट हतियार तथा सवारीका साधन समेत बरामद गरिएको सुरक्षा अधिकारीले जनाएका छन् ।

कारवाहीका क्रममा उक्त प्रान्तका ५ गाउँलाई तालिबान लडाकुबाट मुक्त गरिएको जनाइएको छ । पछिल्लो सैनिक कारवाहीमा सर्वसाधारण तथा सुरक्षाबलतर्फ भने कुनै मानवीय क्षति नभएको सुरक्षा अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।