काठमाडौं – असार १३ गतेदेखि प्रदर्शनमा आउन लागेको फिल्म ‘आप्पा’ निर्माण टिमले प्रचारलाई समेत फाइदा पुग्ने गरी ‘आप्पा स्टोरी च्यालेन्ज’ गर्ने भएको छ । साथै निर्माण टिमले स्टोरी च्यालेन्जमा सहभागी हुनेमध्ये उत्कृष्टलाई पुरस्कृत गर्ने पनि जनाएको छ ।

आफ्ना बुबासँगको कुनै रमाइलो या नरमाइलो कथा शेयर गरी भिडियो च्यालेन्जमा भाग लिन सकिनेछ । सहभागी हुनका लागि फोटो कथा (बुबाको फोटोमा क्याप्सन) या भिडियो कथा तयार पारेर सामाजिक सञ्जाल फेसबूकमा अपलोड गरी आप्पा फिल्मको अफिसियल पेजमा शेयर गर्नुपर्नेछ ।

भाग लिनका लागि फोटो या भिडियो तयार पारी आफ्ना तीन जना साथीलाई ट्याग गरी च्यालेन्ज गर्नुपर्ने आयोजकले जनाएको छ । ट्याग भई आएकामध्ये उत्कृष्ट एक फोटो कथालाई २५ हजार र भिडियो कथालाई ५० हजार प्रदान गरिनेछ ।

साथै यसरी उत्कृष्ट छानिएकाले फिल्मको प्रिमियरका २ वटा टिकट पनि पाउने आयोजकले बताएको छ । सहभागी हुन इच्छुकले असार ६ गतेभित्र भाग लिइसक्नुपर्नेछ ।