काठमाडौं– पाँचथरको मिक्लाजुङ गाउँपालिका–३ मा २ परिवारका ९ जनाको विभत्स हत्या प्रकरणको अनुसन्धान गर्न केन्द्रदेखि प्रदेशसम्मका दक्ष अनुसन्धान प्रहरी अधिकृतहरु खटिएका छन् ।

अनुसन्धानका लागी संघीय इकाइ प्रहरी कार्यालय कोसीका एसएसपी शरद खत्रीको नेतृत्वमा तालिमप्राप्त कुकुरसहितको टोली घटनास्थलतर्फ गइसकेको छ ।

प्रहरी प्रधान कार्यालयले दिएको जानकारी अनुसार केन्द्रीय अनुसन्धान ब्युरो (सिआईबी) को टोली पनि घटनास्थलतर्फ जाने तयारीमा छ ।

त्यस्तै सिआइबीबाट एसपी उमा चतुर्वेदीको नेतृत्वमा एक जना प्रहरी निरीक्षक (इन्सपेक्टर) र अर्का एक जुनियर प्रहरी अधिकृतको टोली पाँचथरतर्फ लागेको छ ।

प्रदेश १ को प्रहरी नेतृत्व गर्दै आएका डिआइजी केदार रिजाल पनि घटनास्थलतर्फ लागिसकेका छन् ।

अभयिुक्त फरार हुन सक्ने सम्भावनालाई मध्यनजर गर्दै भाग्न सक्ने संभावित सवै नाकाहरु बन्द गरी अनुसन्धान सुरु गरिएको प्रहरीले स्रोतले जनाएको छ ।