एजेन्सी– दुर्घटनाग्रस्त विमानमा भेटिएको शव अर्जेन्टिना तथा कार्डिफ सिटीका फरवार्ड इमिलियानो सालाको भएको उद्दारमा संलग्न प्रहरीले पुष्टि गरको छ । केही दिन अगाडि फ्रान्सको च्यानल आइसल्यान्डमा विमान दुर्घटनाग्रस्त रुपमा भेटिएको थियो ।

जनवरी २१ मा कार्डिफ तर्फ जाँदै गर्दा २८ वर्षे साला र पाइलट डेभिड इबोट्सन चढेको बिमान इ्ग्लीस च्यानलबाट वेपत्ता भएको थियो ।

आइतबार बिहान बिमानका भग्नावशेष भेटिएपछि भेग्नावशेषसँगै बुधबार शरिर भेटिएको उद्दारमा संलग्न प्रहरीले जानकारी दिएको थियो । तर, उक्त शव सालाको नै भएको बिहीबार राति डोरसेट प्रहरीले पुष्ट गरेको बीबीसीले जनाएको छ ।

पोर्टल्यान्डबाट शव बिहीबार ल्याएइको र उक्त शव सालाको भएको डोरसेटले प्रमाणित गरेको बीबीसीमा उल्लेख छ ।

कार्डिफले सालालाई १ करोड ५० लाख पाउन्डमा अनुबन्ध गरेको थियो । गत महिनाबाट उनी अभ्यासमा सामेल हुने योजनामा थिए । तर, २८ वर्षे साला र ५९ वर्षे पाइलट इबोट्सन नान्टेसबाट उडेको केही समयमै एयर ट्राफिक कन्ट्रोलसँगको सम्बन्धविच्छेद भएको थियो ।