काठमाडौँ- भारतमा पछिल्लो २४ घण्टामा १४ हजार ९०५ जनामा कोरोना भाइरसको संक्रमण भएको छ ।

नयाँ संक्रमितको यो संख्या ४ महिना यताकै कम हो । दोस्रो लहर शुरू भएयता नयाँ संक्रमितको संख्या यति न्युन भएको थिएन ।

पछिल्लो वृद्धिसँगै भारतमा संक्रमितको संख्या ३ करोड ३६ लाख ९३ हजार १४८ पुगेको छ ।

भाइरसको संक्रमण कम हुँदै गएको भारतमा सक्रिय संक्रमितको संख्या पनि घट्न थालेको छ ।

संक्रमणमुक्त हुँदै जानेको संख्या बढ्दै जाँदा सक्रिय संक्रमितको संख्या घटेको हो । वर्ल्डो मिटर्सका अनुसार मंगलबार बिहानसम्म भारतमा २ लाख ९७ हजार ८५ जना सक्रिय संक्रमित छन् ।

यस्तै कोरोना भाइरसको संक्रमणपछि त्यहाँ मृत्यु हुनेको संख्या ४ लाख ४७ हजार ४०६ पुगेको छ ।

पछिल्लो २४ घण्टामा त्यहाँ १८१ संक्रमितको मृत्यु भएको छ ।