काठमाडौँ- मुक्तिनाथ विकास बैंकले भिषा डेविट कार्डवाहक तथा मोबाइल बैंकिङ्गका ग्राहकलाई थप छुट दिने आगन्तुक रिसोर्ट प्रालिसँग सम्झौता गरेको छ।

सम्झौतासँगै बैंकका ग्राहकले रिसोर्टका विभिन्न सेवामा विशेष छुट पाउने छन्। रिर्सोटमा बसाई र खाना तथा परिकारहरुमा ग्राहकले छुट पाउने छन्।

बैंकले डिजिटल कारोबारलाई प्रोत्साहन गर्न मुक्तिनाथको कार्ड भएकाले देशभरै भिजा नेटवर्क भएको एटीएमबाट निशुल्क पैसा झिक्न पाउने ब्यवस्थासमेत मिलाएको छ।

मोबाईल बैंकिङ्ग, क्यूआर कोड, अनलाईन कर्जा आवेदन, अनलाईन खाताखोल्ने, ईन्टरनेट बैंकिङ्ग, खाता मै रेमिट्यान्स जम्मा, मिस्डकल बैंकिङ्ग (बचत सेवाको लागिः ९८०१११००२२, कर्जा सेवाको लागिः९८०१११००२३) आदि जस्ता सेवाहरु बैंकको शाखामा भौतिक रुपमा उपस्थित नभई घरबाटै उपयोग गर्न सकिने व्यवस्था गरेको विज्ञप्तिमा उल्लेख छ।