काठमाडौँ- इंग्लिस प्रिमियर लिग फुटबलमा लिभरपुल र ब्रेन्टफोर्डले बराबरी खेल्दै अंक बाँडेका छन् ।
शनिबार राति भएको खेलमा लिभरपुल र ब्रेन्टफोर्डले ३-३ गोलको बराबरी खेल्दै अंक बाँडेका हुन् ।
ब्रेन्टफोर्डको मैदानमा भएको खेलमा सुरुवाती अग्रता घरेलु टोलीले बनाए पनि जित हात पार्न सकेन । ब्रेन्टफोर्डका लागि इथान पिन्नोक, भिटाली जनेल्ट र योएनी विसाले गोल गरे ।
लिभरपुलका डिएगो जोटा, मोहमद सलाह र कुर्टिस जोन्सले गोल गरे । बराबरीपछि पनि लिभरपुल ६ खेलमा १४ अंकसहित शीर्ष स्थानमा कायमै छ । ब्रेन्टफोर्ड ९ अंकसहित नवौं स्थानमा छ ।
प्रतिक्रिया