काठमाडौँ– पर्सा प्रहरीले प्रतिबन्धित भारतीय नोटसहित एक जनालाई पक्राउ गरेको छ।

प्रतिबन्धित एक लाख अड्चालीस हजार पाँच सय रुपैयाँसहित पर्साको बहुदरमाई नगरपालिका-४ का २५ वर्षीय अजयकुमार शर्मालाई प्रहरीले पक्राउ गरेको जनाएको हो ।

शर्मालाई बुधबार अपरान्ह ५ बजे पक्राउ गरिएको पर्सा प्रहरी प्रवक्ता प्रहरी नायब उपरीक्षक ओमप्रकाश खनालले जानकारी दिए । भारतबाट वीरगञ्ज आउँदै गरेको ना१५प २३७२ नम्बरको मोटरसाइकललाई रोकेर चेकजाँच उक्त रुपैयाँ बरामद भएको उनले बताए ।

उनको साथबाट रू.५०० को दरको नोट-२९६ थान र रु.१०० को नोट-५ थान गरी जम्मा १ लाख ४८ हजार ५०० रुपैयाँ बरामद गरिएको प्रनाउ खनालले बताए । घटनाका विषयमा प्रहरीले अनुसन्धान जारी राखेको जनाएको छ ।