कैलाली– प्रहरी बनाइदिने भन्दै ठगी गर्ने एकजना पक्राउ परेका छन् । हालै प्रहरी जवान पदको सम्पूर्ण परीक्षाहरु समाप्त भई अन्तिम नतिजा प्रकाशनको क्रममा रहेको अवस्थामा एकजनालाई प्रहरी बनाई दिन्छु भनी ठगी गरेको आरोपमा कैलालीको धनगढी उपमहानगरपालिका वडा नम्बर ३ चौराहबाट एकजनालाई पक्राउ गरिएको प्रहरीले जनाएको छ ।

बझाङको मष्टा गाउपालिका वडा नम्बर २ का मनोज कुमार सिंह पक्राउ परेका हुन् ।

प्रहरीले सिंहको साथबाट साठी हजारको चेक बरामद गरेको छ । फोन चेक जाँच गर्दा पीडितलाई फोन गरी धम्काई पैसा तथा चेक नदिए प्रहरीको छनौटबाट फेल गरी दिने भन्ने धम्की र प्रलोभन दिई फोन गरेको रेकर्डसमेत गरेको फेला परेको प्रहरीले जनाएको छ ।