मुम्बई – महेश भट्टको फिल्म ‘सडक’ को सिक्वेल निर्माण हुन लागेको छ । यो फिल्ममा आलिया भट्ट मुख्य भूमिकामा हुनेछिन् । फिल्ममा उनलाई एक ढोंगी बाबाको भण्डाफोर गर्दै गरेको देखिनेछ ।

रमाइलो कुरा त के छ भने महेश भट्ट सिक्वेलका साथ २० वर्षपछि निर्देशनमा फर्किँदैछन् । खबरका अनुसार यो फिल्ममा अब मकरंद देशपाण्डे पनि हुनेछन् ।

पूजा भट्टले पहिले ‘सडक’ मा मुख्य भूमिका निभाएका थिइन् । यसपटक आलिया धार्मिक गुरुको आश्रममा बस्ने गरेको देख्न सकिनेछ । उक्त रोलमा मकरंदलाई देख्न पाइने भएको हो । अहिले यो भूमिकाका लागि मकरंदले पनि अभ्यास गरिरहेका छन् । फिल्मको कथा प्रेम, हार र मुक्तिका बारेमा हुनेछ । यस्तै फिल्ममा सञ्जय दत्तको पनि भूमिका रहनेछ ।