यो वर्षको सबैभन्दा लोकप्रिय फिल्म ‘एभेन्जर्सः इन्ड गेम’ कमाइले विश्वव्यापी रेकर्ड राखेको छ । यो फिल्म रिलिजको तेस्रो हप्ता पनि जोडदार कमाइ गरिरहेको छ । हलिउड समाचारका अनुसार यो फिल्म संसारमै सबैभन्दा धेरै कमाइ गर्ने दोस्रो फिल्म बनेको छ । यो फिल्मले भन्दा बढी कमाएको विश्वमा जम्मा एउटा फिल्म छ । त्यो हो, अवतार ।

मार्भलको ‘एभेन्जर्सः इन्डगेम’ले अहिलेसम्म २ हजार ५ सय ८ करोड डलर कमाइ गरेको बताइएको छ । यो फिल्मको नाम विश्वभर सबैभन्दा धेरै कमाइ गर्ने फिल्मको सूचीमा परेको छ । पहिलो नम्बरमा हलिउड फिल्म ‘अवतार’ छ । दोस्रो नम्बरमा ‘टाइटानिक’ थियो, तर उसको कमाइलाई ‘एभेन्जर्सः इन्ड गेम’ को कमाइले उछिनेको हो ।

यो फिल्मलाई एन्थनी रुसो र जो रुसोले निर्देशन गरेका हुन् । ‘एभेन्जर्सः इन्फिनिटी वार’ पछि यो फिल्म पनि दर्शकमाझ निकै ठूलो प्रतीक्षित बनेको थियो । यो फिल्म पूरै विश्वमा झण्डै ४७ सय पर्दामा रिलिज भएको थियो । फिल्मले विश्वव्यापी रुपमा कमालको व्यापार गरेको छ ।