काठमाडौँ- नेपाली राजनीतिमा वैकल्पिक शक्ति भनिएको विवेकशील साझा पार्टी आन्तरिक विवादमा रुमलिएको छ ।

पछिल्लो समय विवेकशील साझाका अध्यक्ष रवीन्द्र मिश्र र पार्टी संयोजक मिलन पाण्डेले बेग्लाबेग्लै केन्द्रीय समिति बैठक बोलाएपछि आन्तरिक विवाद सार्वजनिक भएको हो ।

पार्टी अध्यक्ष मिश्रले बिहीबारलाई पार्टीको केन्द्रीय समिति बैठक बोलाएका थिए । मिश्रले एकलौटी रुपमा केन्द्रीय समिति बोलाएको भन्दै सोही समयमा पार्टी संयोजक पाण्डेले पनि बेग्लै बैठक बोलाएका हुन् ।

पार्टी अध्यक्ष रवीन्द्र मिश्र र पार्टी संयोजक मिलन पाण्डेले एकै दिन केन्द्रीय समितिको छुट्टाछुट्टै बैठक बोलाएका छन्। अध्यक्ष मिश्रले यसअघि एकतर्फी रुपमा बिहीवारका लागि बैठक बोलाएको भन्दै संयोजक पाण्डेले बिहीबारनै बेग्लै बैठक बोलाएका हुन्।

पार्टीले केन्द्रीय अध्यक्ष र केन्द्रीय संयोजकको सहमतिमा बैठक बोलाउने विधानत् व्यवस्था गरे पनि विधान अनुसार नभएपछि आफूले बैठक बोलाएको संयोजक पाण्डेले बताएका छन् ।