काठमाडौँ– एमाले विभाजन गरेर बनेको नयाँ दल नेकपा (एकीकृत समाजवादी)ले आइतबार संसदीय दलको नेता चयन गर्ने भएको छ । दलको नेता चयन गर्न संसदीय दलको बैठक संसद भवन नयाँ बानेश्वरमा बसिरहेको छ ।
माधवकुमार नेपालको नेतृत्वमा रहेको सो दलमा २२ जना प्रतिनिधिसभाका सांसदले निर्वाचन आयोगमा सनाखत गरेका छन् भने थप ३ जनाले पनि समाजवादीमा रहने निर्णय लिएका छन् । यस्तै राष्ट्रिय सभामा ७ जना सांसद छन् ।
यो बैठकले संसदीय दलको नेता, प्रमुख सचेतकलगायतका पदाधिकारीबारे निर्णय गर्ने छ । यस्तै सरकारमा सहभागी हुने विषयमा पनि बैठकमा छलफल भएको छ । एमाले विभाजन गरेर बनेको समाजवादीको आइतबार पहिलो बैठक बसेको हो ।
प्रतिक्रिया