काठमाडौं– शेयर बजारको परिसूचक नेप्से बुधवार ५.५५ अंकले बढेर १ हजार ३ सय २१ विन्दुमा पुगेको छ । जम्मा १७२ कम्पनीको ४० लाख ४३ हजार १ सय ५७ कित्ता शेयर १ अर्व ३३ करोड ३ लाख १४ हजार २ सय ४७ रुपैयाँमा कारोबार भएको छ ।

त्यसैगरी सेन्सेसटभ परिसूचक भने २.५१ बिन्दुले बढेको छ। आज जम्मा १२ उपसमूहको कारोबार भएकोमा ६ उपसमूह घटेका छन् भने ६ उपसमूह बढेका छन् । नउपसमूहको कारोबारमा बैंकिङ ९.८६, ब्यापार १०.५६, बिकास बैंक २५.९९, फाइनान्स १.९५, अन्य ८.१२, माइक्रो फाइनान्स ०.१३ अंकले बढेका छन् त्यसैगरी होटेल्स ३४.१९, हाइड्रो पावर ७.२६, निर्जिवन बीमा ३८.४९, उत्पादन ५९.७४, जीवन बीमा १७.८४, सामूहिक कोष ०.०४ अंकले घटका छन् ।

नेपाल क्रेडिट एन्ड कर्म्सियल बैंकले सबै भन्दा बढी १४ करोडको करोवार गरेको छ । बुधबार नेपाल कम्यूनिटी बिकास बैंक, बिशाल बजार कम्पनी, ग्रीन डेभ्लपमेन्ट बैंक, रिलायन्स फाइनान्स, कृषि बिकास बैंक, कन्चन बिकास बैंककले अत्याधिक नाफा कमाएका छन् । त्यसै गरी बढी गुमाउनेमा हिमालयन डिस्टिलरी, शिवम् सिमेन्ट, नेपाल सेवा लघुवित्त, नयाँ नेपाल लघुवित्त, कर्णाली बिकास बैंकका लगानीकर्ता रहेका छन् ।