काबुल– अफगानिस्तानको राजधानी काबुलसहित देशका धेरैजसो सहर कब्जामा लिएको तालिबानले पंजशीर उपत्यकालाई घेराउ गरेको दावी गरेको छ । तालिबान प्रवक्ता जबिउल्लाह मुजाहिदले पंजशीरलाई तीनतर्फबाट घेराउ गरिएको दावी गरेको एएफपी समाचार एजेन्सीले जनाएको छ ।
तालिबानले कहिल्यै नियन्त्रणमा लिन नसकेको सो उपत्यकामा पूर्ववर्ती सरकराका उपराष्ट्रपति उमरुल्ला सालेहसमेत मुजाहिदिन संगठनहरु तालिबानविरुद्ध एकीकृत भइरहेका छन् । सोमबार बिहानै तालिबानले आफ्ना लडाकुहरुलाई पंजशीर कब्जाका लागि पठाइएको जानकारी दिएको थियो । सोमबार दिउँसो तीनतर्फबाट सो उपत्यकालाई घरेबन्दी गरेको बताएको हो ।
📸 Afghan children carry rifles and a Panjshir National Resistance Front flag along a road in the Dara district of Panjshir province.
Since the Taliban took control of Afghanistan thousands of people have made their way to Panjshir to find safety and join a resistance movement pic.twitter.com/MjJVzhpBHY
— AFP News Agency (@AFP) August 23, 2021
तालिबानले पंजशीरका विषयमा पूर्ववर्ती सरकार समर्थक सेनासँग पनि वार्ता चलिरहेको बताएको छ । तालिबान प्रवक्ताले कुनै रक्तपात नचाहेको बताएका छन् । तर उपराष्ट्रपति सालेहले भने तालिबान लडाकुलाई पंजशीरबाट टाढा रहन चेतावनी दिएको बीबीसीले उल्लेख गरेको छ । बीबीसीका अनुसार तालिबान विरोधीहरु पंजशीरमा तालिबानविरुद्ध यद्धको तयारी गरिरहेका छन् ।
Former Afghan government forces forming a resistance movement in a fortified valley in Panjshir province are preparing for “long-term conflict”, but are also seeking to negotiate with the Taliban, their spokesman tells @AFP in an interviewhttps://t.co/uXYiUwDtMb pic.twitter.com/aqpC1dia1h
— AFP News Agency (@AFP) August 23, 2021
९० को दशकमा अफगानिस्तानमा तालिबान सरकार हुँदा पनि पंजशीर उपत्यका भने तालिबानको नियन्त्रणमा थिएन । अहिले पनि राष्ट्रपति अश्रफ घानी भागेर यूएई पुग्दा उपराष्ट्रपति सालेह भने पंजशीर पुगेका छन् । उनले आफू नै कार्यबाहक राष्ट्रपति भएको घोषणा गरेका छन् । (एजेन्सी)
प्रतिक्रिया