काठमाडौं– भक्तपुरको नेपाल इन्जिनियरिङ कलेजको सम्पत्ति बाँडफाँटसम्बन्धी मुद्दा मिलाइदिने बहानामा ७८ लाख रुपैयाँ घुस लिएको आरोप लागेका अख्तियार दुरुपयोग अनुसन्धा आयोगका तत्कालीन आयुक्त राजनारायण पाठक बुधबार विशेष अदालतमा हाजिर भएका छन् ।

अख्तियार दुरुपयोग अनुसन्धान आयोगले गत चैत १२ गते दायर गरेको मुद्दाको बयानका लागि पाठक बुधबार विशेष अदालतमा हाजिर भएका हुन् ।

अहिले विशेष अदालतका अध्यक्ष बाबुराम रेग्मी तथा सदस्य (न्यायाधीश)हरु द्वारिकामान जोशी र प्रमोद कुमार श्रेष्ठको इजलासमा पाठकको बयान चलिरहेको छ ।

बयान सकिएपछि बुधबार नै थुनछेक बहस हुने अदालत स्रोतले जनाएको छ । सम्भवतः बुधबार नै अदालतले थुनछेक आदेश जारी गर्ने संभाना रहेको स्रोतले खबरहबलाई जानकारी दियो ।