काठमाडौं -भारतीय राष्ट्रिय फुटबल टोलीको मुख्य प्रशिक्षकमा क्रोएसियाका पूर्व खेलाडी तथा प्रशिक्षक इगोर स्टामेकलाई नियुक्त गरेको छ । भारतीय फुटबल संघले बुधबार इगोरलाई मुख्य प्रशिक्षकको जिम्मेवारी दिएको हो ।

उनलाई भारतीय टोलीको जिम्मा २ वर्षका लागि दिएको भारतीय फुटबल संघले जनाएको छ । यसअघि सन् २०१४ मा क्रोएसियालाई विश्वकप सम्म पुग्न मद्दत गरेका थिए ।

इगोरसँग १८ वर्षलामो प्रशिक्षक बनेर काम गरेको अनुभव छ । उनको कार्यकालमा भारतले फुटबलको विकासमा ठूलो फड्को मार्ने विश्वास गरिएको छ ।

यसअघि उनी कतारको अल शहानीया क्लबको मुख्य प्रशिक्षकको जिम्मेवारीमा थिए । शहानीयालाई उनले २०१६ देखि २०१७ सम्म नेतृत्व गर्दै अहिले भारतीय टोलीको नेतृत्व गरेका छन् ।