जनकपुरधाम– सर्लाहीमा चार दिनदेखि घरबाट बेपत्ता भएकी एक किशोरीको हत्या गरेको अवस्थामा शव फेला परेको छ ।

गत साउन ३१ गतेदेखि घरबाट बेपत्ता भएकी लालबन्दी नगरपालिका १७ की १६ वर्षीया प्रियंका भुजेलको शव फेला परेको हो । हत्या गरिएको अवस्थामा मंगलवार राति शव फेला परेको प्रहरीले जनाएको छ ।

घरदेखि करिब ३ किलोमिटरको दुरीमा कालिन्जोर खोलामा उनको शव फेला परेको सर्लाहीका प्रहरी प्रवक्ता माधवप्रसाद बुढाथोकीले जानकारी दिए ।

बलात्कार गरी किशोरीको हत्या गरिएको प्रहरीको आशंका छ । डिएसपी बुढाथोकीले घटनाको अनुसन्धान भइरहेको र हत्या आशंकामा दुई जनालाई नियन्त्रणमा लिएको बताए ।

पक्राउ परेका दुबै जनालाई पत्रकार सम्मेलन गरी सार्वजनिक गर्ने तयारीमा प्रहरी जुटेका छन् । शवलाई पोस्ट मार्डम गन पठाइएको छ । घटनापछि पीडित परिवार शोकमा डुबेको छ ।