काठमाडौँ- जनता समाजवादी पार्टी (जसपा) का वरिष्ठ नेता राजेन्द्र महतोले बहुल राष्ट्रिय राज्यका आधारमा देशको शासन र संविधान निर्माण हुनुपर्ने बताएका छन् ।

बिहीबार काठमाडौंमा जसपा निकट योङ ईण्डिजिनिष्ठ लिगको प्रारम्भिक भेलामा महतोले बहुल राष्ट्रिय राज्य स्थापित नभएसम्म पछाडि परेका जनताको अधिकार स्थापित हुन नसक्ने बताएका हुन् । उनले बहुल राष्ट्रिय राज्यका आधारमा देशको शासन र संविधान निर्माण हुनुपर्ने बताए ।

एकल राष्ट्रिय राज्यको चिन्तन र सोचबाट भएकै कारण समस्या भएको र उत्पीडित जनताले अधिकार पाउन नसकेको उनले बताए ।

मुलुकमा सात वटा संविधान आए पनि जनता अझै पनि अधिकारबाट बञ्चित हुनुपरेको उहाको भनाइ थियो ।

उनले यसअघिको सरकारले सुखी नेपाली समृद्ध नेपालको नारा लिए पनि सो बमोजिम काम गर्न नसकेको आरोप लगाए ।

बहुलराष्ट्रिय राज्य नेपाल स्थापनाका लागि भन्दै योङ ईण्डिजिनिष्ठ लिग गठन गरिएको जसपाका नेताहरुले जनाएका छन् ।