काठमाडौँ– कोभिसिल्ड खोपको पहिलो मात्रा लगाएका जेष्ठ नागरिकले करिव पाँच महिनापछि दास्रो मात्रामा एस्ट्राजेनिका खोप लगाएका छन् ।

कोरोना विरुद्धको दोस्रो डोज खोप कुरिरहेका ज्येष्ठ नागरिकहरुले पाँच महिनापछि सोमबारदेखि दोस्रो डोज पाएका हुन् ।

गत वर्षको माघबाटै सरकारले खोप कार्यक्रम सञ्चालन गरिहेकाले कोभिसिल्डको सट्टा एस्ट्राजेनिका खोप लगाएको शिक्षण अस्पताल महाराजगन्जका सूचना अधिकारी रामविक्रम अधिकारीले जानकारी दिए ।

हेरौँ भिडियो

उनले गत फागुन अन्तिममा कोभिसिल्डको पहिलो मात्रा लगाएकाले १२ हप्ताभित्र दोस्रो मात्रा लगाउनुपर्ने भए पनि खोप नआएका कारण लगाउन नमिलेको बताए । अधिकारीले भारतले पैसा लिएर पनि १० लाख डोज कोभिशिल्ड खोप नदिएपछि सरकारले विकल्पका रुपमा  एस्ट्राजेनिका खोप दिन सुरु गरेको बताए ।

भूटान र जापानबाट १० लाख बढी अस्ट्राजेनिका खोप सहयोग गरेपछि ढिलै भए पनि आफूले पूर्ण खोप प्राप्त गरेका कारण खुशी लागेको ज्येष्ठ नागरिक तीर्थराज खरेलले बताए ।