काठमाडौं । जनकपुरधाम धार्मिकस्थल जानकी मन्दिरको प्रांगणमा सामुदायिक प्रहरी सेवाकेन्द्र धनुषाद्वारा गरिएको सांस्कृतिक कार्यक्रममा अश्लील गीत एवं नृत्य प्रदर्शन गरिएपछि सामाजिक सञ्जालमा कडा आलोचना गरिएको छ ।

प्रशासनिक अधिकारी एवं राजनीतिकर्मी सहभागी रहेको सो कार्यक्रममा यस प्रकारको गीत नृत्य हुँदा पनि कसैले नरोकेकोमा उनीहरुको पनि आलोचना भइरहेको छ ।

कार्यक्रममा उद्योग वन तथा पर्यटनमन्त्री रामनरेश राय पनि सहभागी हुनुहुन्थ्यो । मधेस अधिकार संघर्ष समितिका संयोजक सरोज मिश्रले अरुको बिहेमा डिजे बन्द गराउने प्रशासन आजभोलि जानकी मन्दिरको प्रांगणमै अर्धनग्न नृत्यांगनासँग लिपस्टिक लगाउँदै छ भनी सामाजिक सञ्जालमा व्यंग्यात्मक टिप्पणी गरेका छन् । समाचार राजधानी दैनिकले प्रकाशित गरेको छ