नवजात शिशुलाई जन्मिएको एक घण्टाभित्र स्तनपान गराउनु पर्दछ । स्तनपानलाई सबैभन्दा पुरानो र पहिलो खोपका रुपमा लिइन्छ । जन्मको एक घण्टाभित्र आफ्ना नवजात शिशुलाई स्तनपान नगराएकै कारण कतिपय आमाहरुले आफ्ना शिशु गुमाइरहेका छन् ।

नवजात शिशुलाई १ घण्टाभित्र स्तनपान गराउने मात्र होइन, दुई बर्षसम्म पुर्ण स्तनपान समेत गराउनु पर्दछ । हरेक बर्ष अगष्ट १ देखि ७ सम्म नेपालले विश्वसंगै स्तनपान सप्ताह मनाउछ । तर स्तनपान प्रवद्र्धनका लागि चेतनामूलक कार्यक्रमले आमाहरुमा जनचेतना जगाउन सकेको छैन भने स्तनपानको विकल्पमा अन्य दूधको प्रयोग हुने गरेको छ ।

स्तनपानले शिशु र आमा दुवैलाई फाइदा पुग्दछ । आमाको दूधमा शिशुलाई आवश्यक पर्ने सबै तत्व हुन्छ । जसले शिशुको आवश्यक विकास तथा वृद्धिमा सहयोग पुयाउँछ । अर्कोतर्फ पूर्ण स्तनपान नपाउँदा बालबालिकामा कुपोषण शिकार हुनु पर्दछ । कुपोषणका कारण बालबालिकामा पुड्कोपन हुन सक्छ । रासस