काठमाडौं–४ किलो लागुऔषध गाँजासहित प्रहरीले काठमाडौंको नागढुंगाबाट १ जनालाई पक्राउ गरको छ ।
प्रहरीका अनुसार शुक्रबार विहान सूचनाका आधारमा धादिङबाट काठमाडौं आउँदै गरेको यात्रुबाहक बसलाई चेक जाँच गर्दा ४ किलो गाँजासहित धादिङ गजुरी गाउँपालिका– ४ का २० वर्षी संजय लामालाई पक्राउ गरिएको हो ।
महानगरीय प्रहरी परिसर काठमाडौंका प्रवक्ता एसपी रमेश बस्नेतका अनुसार बसमा सवार संजय लामाले सिट मुनि जेब्रा झोला भित्र प्लाष्टिकको झोलामा लुकाई छिपाई राखिएको अवस्थामा लागुऔषध फेला परेको थियो ।
अहिले पक्राउ परेका लामा उपर लागुऔषध (नियन्त्रण) ऐन २०३३ बमोजिम अनुसन्धान भईरहेको एसपी बस्नेतले बताए ।
प्रतिक्रिया