काठमाडौँ– मोटरसाइक चोरी गरेको आरोपमा प्रहरीले काठमाडौँको तारकेश्‍वर– ६ धर्मस्थलीबाट दुई जनालाई पक्राउ गरेको छ ।

महानगरीय ट्राफिक प्रहरी महाशाखाका अनुसार टोखा नगरपालिका धनेश्‍वरबाट हराएको प्रदेश ३–०२–००२ प ४८०३ नम्बरको मोटरसाईकल चोरी गरेको अभियोगमा २ जनालाई पक्राउ गरिएको हो ।

महाशाखाका प्रमुख एसएसपी जनक भट्टराईका अनुसार पक्राउ पर्नेमा नुवाकोट सुर्यगडी गाउँपालिका –४ घर भई काठमाडौं नस्थलि बस्ने २४ वर्षका संजय तामाङ्ग र वाकोट तादी गाउँपालिका–६ घर भई काठमाडौं तारकेश्‍वर–६ बस्ने वर्ष ३२ का बुद्धि बहादुर तामाङ रहेका छन् ।

पक्राउ परेको मोटरसाईकल सहित दुवै जनालाई थप अनुसन्धान एवं कारबाहीको लागी महानगरीय प्रहरी बृत्त महाराजगञ्जमा बुझाएको महाशाखा प्रमुख एसएसपी भट्टराईले बताए ।