काठमाडौं– प्रधानमन्त्री केपी शर्मा ओली  २ दिने औपचारिक भ्रमणका क्रममा सोमबार कम्बोडिया पुगेका छन् । प्रधानमन्त्री ओलीलाई त्यहाँका वातावरण तथा सवारीमन्त्री से अल र वैदेशिक मामिला तथा अन्तर्राष्ट्रिय सहयोग मन्त्रालयका सेक्रेटरी अफ स्टेट इट सोफियाले नोन पेन्ह अन्तर्राष्ट्रिय विमानस्थलमा स्वागत गरे ।

कम्बोडियाका प्रधानमन्त्री साम वेद्क आक्का मोह सेना पाडेयी टेको हुन सेनको  निमन्त्रणामा नेपाली प्रतिनिधिमण्डलको नेतृत्व गर्दै प्रधानमन्त्री ओली  त्यहाँको भ्रमणमा निस्किएका हुन् ।

प्रधानमन्त्री ओली नेतृत्वको भ्रमण दलमा उनकी धर्मपत्नी राधिका शाक्य, परराष्ट्रमन्त्री प्रदीपकुमार ज्ञवाली, मुख्य सल्लाहकार विष्णुप्रसाद रिमाल, परराष्ट्र सल्लाहाकार डा राजन भट्टराई, सांसद, उच्चपदस्थ सरकारी अधिकारी, निजी क्षेत्रका व्यवसायी, सञ्चारकर्मीलगायत छन् ।