बेइजिङ– अमेरिकाले चिनियाँ सामानको आयातमा भन्सार बढाएपछि चीनले बाहिरी दबावसँग कुनै पनि हालतमा आत्मसमर्पण नगर्ने प्रतिक्रिया दिएको छ ।

चिनियाँ विदेशमन्त्रालयका प्रवक्ता गेङ सुहाङले चीनले कुनै वाह्य दबावसँग आत्मसमर्पण नगर्ने जनाएका हुन् ।

गत शुक्रबार अमेरिकी राष्ट्रपति डोनाल्ड ट्रम्पले २ खर्ब अमेरिकी डलर बराबरका चिनियाँ सामानमा यसअघि लाग्दै आएको १० प्रतिशत भन्सार शुल्क बढाएर २५ प्रतिशत पु¥याएपछि चीनको यस्तो प्रतिक्रिया आएको हो ।

त्यसबाहेक राष्ट्रपति ट्रम्पले आफ्ना व्यापारिक प्रतिनिधिलाई अरु ३ खर्ब भन्दा धेरैका चिनियाँ सामानमा पनि भन्सार शुल्क बढाउनका लागि गृहकार्य गर्न निर्देशन दिएको बताइएको छ ।

चीनले अमेरिकी कदमको जवाफ दिने बताउँदै आएपनि हालसम्म कुनै कदम चालिसकेको छैन ।