मुम्बई – बलिउड कलाकार अर्जुन कपूर पहिलोपटक सञ्जय दत्तका साथ फिल्म ‘पानीपत’ मा देखिँदैछन् । हालै उनले सञ्जयको व्यवहारलाई लिएर खास कुरा बताएका छन् ।

सञ्जयसँग काम गर्दाको अनुभव शेयर गर्दै अर्जुनले भने, ‘मैले उहाँका साथ फिल्मका केही हिस्साको छायांकन गरेँ, उहाँसँग काम गर्दा निकै नै सुन्दर अनुभव रह्यो, उनी यस्ता व्यक्ति हुन्, जसलाई हेरेर नै म ठूलो भएँ, हामी सबै कलाकार सञ्जय सरलाई हेरेर नै ठूला भएका हौँ ।’

उनले सञ्जयको व्यक्तित्व पनि बिल्कुलै फरक भएको बताए । ‘उहाँको व्यक्तित्व लार्जर देन लाइफ छ, उहाँसँग सेटमा हुँदा थाहा हुन्छ कि, उहाँ किन लार्जर देन लाइफ हुनुहुन्छ, उहाँ नजिक आउँदा फिल्ममा भिलेनको रोलमा हुनुहुन्छ झैँ लाग्दैन, उहाँले मेरो गाला सुम्सुमाइदिनुहुन्छ, यस्तो अवस्थामा मलाई क्यारेक्टरमा रहन पनि निकै गाह्रो हुन्छ ।’

फिल्मको शेटमा अर्जुनलाई नाकमा चोट पनि लागेको थियो । यसमा उनले भने, ‘यो एक्सन फिल्म हो, कहिलेकाहीँ शूटिङमा चोट लाग्न सक्छ ।’ आशुतोष गोवारिकरको यो फिल्म तेस्रो युद्धमा आधारित छ ।