काठमाडौँ– नेकपा एमालेका केन्द्रीय सदस्य सूर्य थापाले वरिष्ठ नेता माधवकुमार नेपालले पार्टी एकताका भइरहेको प्रयासलाई चुनौती दिएको भन्दै आलोचना गरेका छन् ।

एकताका लागि कार्यदलले तयार पारेको १० बुँदे समझदारी र केपी शर्मा ओलीलाई अध्यक्ष नमान्ने नेपालको अडानप्रति आलोचना गर्दै थापाले अब उनलाई प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डको सहयोगी बन्न छाडिदिनु पर्ने बताएका छन्।

थापाले ट्वीटरमा लेख्दै वरिष्ठ नेता नेपालले पार्टीमा क्षमायाचना गरेर सुध्रिएर भविष्यमा पार्टी घात र गद्दारी गर्नै छैन भन्न छाडेर पार्टीविरुद्ध लागेको आरोप लगाएका छन् ।

उनले लेखेका छन्, ‘प्रायश्चित गर्नु, क्षमायाचना गर्नु, सुध्रिनु र भविष्यमा यस्तो पार्टीघात र गद्दारी गर्नेछैन भन्नू त कहाँ हो कहाँ ? कार्यदलको प्रतिफल १० बुँदे समझदारी नै मान्य छैन, केपी शर्मा ओली मातहत एमालेमा फर्किन्न रे ! अब धेरै ल्याङल्याङ नगरी उहाँलाई देउवा-प्रचण्डकै सहयोगी बन्न दिओैं, नरोकौँ !’

प्रायश्चित गर्नु, क्षमायाचना गर्नु,सुध्रिनु र भविष्यमा यस्ताे पार्टीघात र गद्दारी गर्नेछैन भन्नू त कहाँ हाे कहाँ? कार्यदलकाे प्रतिफल १०बुँदे समझदारी नै मान्य छैन,केपी शर्मा ओली मातहत एमालेमा फर्किन्न रे!
अब धेरै ल्याङल्याङ नगरी उहाँलाई देउवा-प्रचण्डकै सहयाेगी बन्न दिओैं,नराेकाैं! pic.twitter.com/Ooa6dLoEkg

— Surya Thapa (@ThapajiSurya) July 31, 2021