इस्लामावाद- चीनले निर्माण गरेको पाकिस्तानस्थित इस्लामावाद अन्तर्राष्ट्रिय विमानस्थलको छत भारी वर्षाले आंशिक रूपमा भत्किएको छ ।

उक्त घटनाको भिडियो सामाजिक सञ्‍जालमा भाइरल भएको छ । वर्षाको पानीले छत भरिएपछि सोमबार एक अंश भत्किएको थियो । छत भत्किएपछि इमिग्रेसनसहित धेरै काउन्टरको कार्यालयमा रहेका कम्प्यूटर र अन्य उपकरणहरूमा क्षति पुगेको छ ।

वर्षाकै कारण छत भत्किएपछि कार्यालयभित्रसमेत पानी पसेको छ । अधिकारीहरूले यस्ता घटनाहरू फेरि नहुने प्रतिबद्धता व्यक्त गरेका छन् ।

सन् २०१८ मा उद्घाटन गरिएको विमानस्थल चिनियाँ निर्माण इन्जिनियरिङ कर्पोरेशनले बनाएको हो । जुन चीनको सबैभन्दा ठूलो सरकारी स्वामित्वमा रहेको कम्पनी हो ।

एयरपोर्टको अन्तर्राष्ट्रिय प्रस्थान र समोराह हलमा रहेको खराबीले छतको एक प्रमुख अंश अगस्त, २०२० मा वर्षाको समयमा ढलेको थियो । त्यस घटनापछि हलमा पानीको चुहावट हुन थालेको थियो । फेरि पनि यस वर्ष छतको अर्को भाग भत्किएको हो ।

“बाहिरी छतको डिजाइन यस्तो छ कि यसले एयर कन्डिसन नभएको ठाउँमा प्रवेश र प्रसारित गर्न अनुमति दिन्छ । तीव्र गतिमा चलेको बतासको बखत हामी कहिलेकाँही त्यस्तो अवस्थाको सामना गर्छौं,” विमानस्थल डिभिजनका प्रवक्ता वरिष्ठ सहसचिव अब्दुल सत्तार खोखरले भने ।

सात महिना बितिसक्दा पनि भत्किएको छत मर्मतको काम नहुँदै अर्कोतर्फ भत्किएको हो । यसरी चिनियाँ निर्माणका भौतिक संरचनाहरुमा कमजोरी देखिँदा समस्या भएको र चीनले निर्माण गरेका अन्य भौतिक संरचनाप्रति पनि आशंकाहरु उब्जिएको छ ।

स्रोत- एएनआई