आवश्यक सामग्री (६ जनाको लागि)

कोदाको पिठो— २ किलो

नुन खुर्सानी— स्वाद अनुसार

घिउ ठूलो चम्चा— ४ चम्चा

पानी — २ लिटर (नपुग भएमा थप्न सकिन्छ)

बनाउने विधि–

– ३०० ग्राम पिठो छुट्याएर अरू पिठो सुख्खा रोटी बनाउने जस्तै तर नरम बनाई मुछेर बेस्सरी माड्ने र बाटामा राख्ने ।

– बाक्लो प्यान चुल्होमा बसाउने । घिउ तताउने, खुर्सानी पड्काउने ।

-रातो भएपछि पानी राख्ने र ३०० ग्राम पिठो अलि अलि छर्दै जाने । पानी उम्लिदा पिठो पानीमा मिली सकेको हुनुपर्छ ।

-उम्लिएको पानीमा माडेको पिठोको पकौडा झैँ डल्ला पार्दै राख्ने । डल्ला राखिसकेपछि सानो आँचमा १५ मिनेट जति पकाउनु पर्छ ।

-पानी नपुगेमा उमालेर थप्न सकिन्छ । यो पाकेपछि थालमा लिएर कुनै गालेको अचार र टमाटरको अचारसँग डल्ला चोप्दै खाने । ज्यादै चाम्रो र मीठो हुन्छ । चिनीका रोगीलाई धेरै फाइदा हुन्छ ।

यो प्रायः नेपालको पहाडी भेगमा खाइन्छ । यसमा प्रोटिन हुन्छ । सहर बजारतिर यसको सुपमा पारसल्लि, सेलरि पत्ता राखेमा अझ स्वादिष्ट हुन्छ ।

 साभार– ‘सजिलो कुकिङ’ पुस्तकबाट