सुनसरी- एक युवकलाई अपहरणपछि बन्धक बनाएको आरोपमा इटहरीबाट तीन जनालाई प्रहरी पक्राउ गरेको छ ।

पक्राउ पर्नेमा इटहरी उपमहानगरपालिका–७ का २५ वर्षीय सङ्गीत थापा, १९ वर्षीय अनिष कार्की र इटहरी–८ का २३ वर्षीय शिद्धार्थ राई रहेका छन् ।

इटहरी–४ का २२ वर्षीय निर्मल श्रेष्ठलाई बन्धक बनाएर निर्घात कुटपिट गरेको उनीहरूलाई आरोप छ ।

इटहरी–८ फूलबारी टोलमा पुर्‍याएर आँखामा पट्टी बाँध्दै श्रेष्ठमाथि कुटपिट गर्दै गरेको अवस्थामा तीनै जनालाई पक्राउ गरिएको सुनसरीका एसपी सञ्जयसिंह थापाले जानकारी दिए ।

प्रहरीका अनुसार घटनाको कारण खुल्न बाँकी छ । पक्राउ परेका तीनै जनाविरुद्ध अपहरण तथा शरीर बन्धक मुद्दामा म्याद थप गरेर अनुसन्धान थालिएको एसपी थापाले जानकारी दिए ।