काठमाडौँ– नेपालमा पछिल्लो २४ घण्टामा २ हजार ४४५ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका विभिन्‍न प्रयोगशालामा गरिएको ७ हजार ८३३ जनाको पीसीआर परीक्षणबाट १ हजार ६४२ र ३ हजार ८३१ जनामा गरिएको एन्टिजेन परीक्षणमा ८०३ जना गरी जम्मा २ हजार ४४५ जनामा संक्रमण पुष्टि भएको हो ।

पछिल्लो २४ घण्टामा थप ३२ जना कोरोना संक्रमितको मृत्यु भएको छ । सोही अवधिमा देशभरका विभिन्न अस्पतालबाट थप १ हजार २५८ जना कोरोना संक्रमित निको भएर विभिन्न अस्पतालबाट डिस्चार्ज भएको मन्त्रालयको तथ्यांकमा उल्लेख छ ।

कहाँ कति थपिए ?

मन्त्रालयका अनुसार प्रदेश १ को इलाममा ७, उदयपुरमा ५, ओखलढुंगामा १५, खोटाङमा १, झापामा १२९, ताप्लेजुङमा २, तेह्रथुममा २, धनकुटामा ११, पाँचथर १, भोजपुरमा ३, मोरङमा १०२, सोलुखुम्बुमा १ र सुनसरीमा १८४ जनामा कोरोना भेटिएको छ।
यसैगरी प्रदेश २ को धनुषामा १७, पर्सामा १, बारामा १, महोत्तरी ९, सप्तरीमा ९, सर्लाहीमा ३ र सिरहामा ९ जनामा कोरोना पाइएको छ।

बागमती प्रदेशको काठमाडौंमा ३३०, काभ्रेमा ४, चितवनमा ७२, दोलखामा २१, धादिङमा ४४, नुवाकोटमा ३२, भक्तपुरमा ८८, मकवानपुरमा ५३, रसुवा २, रामेछापमा ५, ललितपुरमा ५६, र सिन्धुपाल्चोकमा ५ जनामा कोरोना पुष्टि भएको छ।

यसैगरी गण्डकी प्रदेशको कास्कीमा १६०, गोरखामा २५, तनहुँमा ८, नवलपरासी पूर्वमा ५१, पर्वतमा १, लमजुङमा ७, बागलुङमा ५ र स्याङजामा ११ जनामा कोरोना भेटिएको छ।

कोरोना पुष्टि हुनेमा लुम्बिनी प्रदेशको अर्घाखाँचीमा ७, कपिलवस्तुमा ३, गुल्मीमा १२, दाङमा ११, नवलपरासीमा २, पाल्पामा ८, प्युठानमा ४, बर्दियामा ५, बाँकेमा ५, र रुपन्देहीमा ३६ जना छन्।

यस्तै, कर्णाली प्रदेशको जाजरकोटमा २, दैलेखमा १, सल्यानमा २ र सुर्खेतमा ३ जनमा कोरोना भेटिएको छ भने सुदूरपश्चिम प्रदेशको अछाममा १, कञ्चनपुरमा १३, कैलालीमा २८, डडेल्धुरामा ३, दार्चुलामा १, बझाङमा १ र बाजुरामा २ जनामा कोरोना संक्रमित भेटिएको मन्त्रालयले जनाएको छ।