काठमाडौँ- एनआईसी एसिया क्यापिटल लिमिटेडको सञ्चालक समितिको अध्यक्षमा कपिल ढकाल नियुक्त भएका छन्।

क्यापिटलको शुक्रबार सम्पन्न सञ्चालक समितिको ९२औं बैठकले एनआईसी एसिया बैंकका सहायक प्रमुख कार्यकारी अधिकृत ढकाललाई क्यापिटलको अध्यक्ष नियुक्त गर्ने निर्णय गरेको हो।

भारतको आईसीआईसी बैंकमासमेत काम गरेका ढकालसँग नेपालको विकास बंैकमा प्रमुख कार्यकारी अधिकृतको रूपमा काम गरेको अनुभव रहेको छ। उनी व्यावसायिक चार्टर्ड अकाउण्टेण्ट हुन्।

‘हाल एनआईसी एसिया लघुवित्त वित्तीय संस्थामासमेत अध्यक्ष रहनुभएका उहाँले हासिल गरेको लामो कार्यअनुभव तथा उच्च व्यवस्थापकीय क्षमताले आगामी दिनमा क्यापिटलको समग्र व्यवसाय विस्तार र क्यापिटलबाट प्रदान गरिने सेवालाई उत्कृष्ट बनाई क्यापिटलले नयाँ उचाई चुम्ने विश्वास लिएका छौं,’ कम्पनीद्वारा जारी विज्ञप्तिमा उल्लेख छ।