काठमाडौँ- आयरल्याण्डविरूद्धको अन्तिम एक दिवसीय क्रिकेटमा दक्षिण अफ्रिका विजयी भएको छ ।

डुब्लीनमा शुक्रबार राति सम्पन्न खेलमा दक्षिण अफ्रिकाले आयरल्याण्डलाई ७० रनले हराएको हो ।

दक्षिण अफ्रीकाले दिएको ३ सय ४७ रनको लक्ष्यसहित जवाफी ब्याटिङ गरेको आयरल्याण्ड ४७ ओभर १ बलमा अलआउट हुँदै २ सय ७६ रनमा समेटियो ।

आयरल्याण्डका लागि सिमि सिंहले अविजित रहदै १०० रनको शतकीय इनिङ्स खेले पनि टोलीलाई जिताउन सकेनन् ।

दक्षिण अफ्रिकाका एडिले र ताब्रेज शाम्सीले ३/३ विकेट लिए । केशब महाराजले २ विकेट लिए ।

यसअघि पहिले ब्याटिङ गरेको दक्षिण अफ्रीकाले ५० ओभरमा ४ विकेट गुमाएर ३ सय ४६ रन बनाएको थियो । दक्षिण अफ्रिकाका लागि जान्नेमन मालनले अविजित रहदै १ सय ७७ रनको शतकीय इनिङ्स खेले । यस्तै क्विन्टन डी ककले १ सय २० रनको शतकीय इनिङ्स खेले ।

दक्षिण अफ्रीकाको जितसँगै तीन खेलको सिरिज १-१ को बराबरीमा सकिएको छ । पहिलो खेल रद्द भएको थियो ।