काठमाडौँ– बीपी कोइराला स्वास्थ्य विज्ञान प्रतिष्ठान धरानमा देखिको समस्या समाधानका लागि सरकारले कार्यदल गठन गरेको छ ।

प्रधानमन्त्री कार्यालयका वरिष्ठ सचिव बैकुण्ठ अर्यालको संयोजकत्वमा सरकारले आठ सदस्यीय कार्यदल गठन गरेको हो । सरकारले आन्दोलनरत पक्षसँग वार्ता र छलफल गरी समस्या समाधानका लागि १५ दिनभित्र प्रतिवेदन पेश गर्न अर्यालको संयोजकत्वमा कार्यदल गठन गठन गरेको छ ।

कार्यदलका सदस्यसचिव एवं प्रधानमन्त्री कार्यालयका सहसचिव शङ्कर नेपालले कार्यदलले शुक्रबारबाट नै काम थालेको जानकारी दिए ।

प्रधानमन्त्री एवं कुलपति कार्यालयद्वारा बिहीबार सचिव अर्यालको अध्यक्षतामा गठन गरिएको कार्यदलमा प्रधानमन्त्री कार्यालय, स्वास्थ्य मन्त्रालय, कानून मन्त्रालय, महालेखा नियन्त्रकको कार्यालय, सार्बजनिक खरिद अनुगमन र बीपी प्रतिष्ठानका प्रतिनिधि सदस्य छन् ।

प्रतिष्ठानमा कार्यरत चिकित्सक नर्स र विद्यार्थीले प्रतिष्ठान सुधारको माग गर्दै आन्दोलन गरिरहेका छन् ।