काठमाडौँ– नेकपा एमालेका नेता तथा पूर्वमन्त्री गोकुल बाँस्कोटाले कांग्रेस सभापति शेरबहादुर देउवालाई प्रधानमन्त्री बनाउन सहयोगी भूमिका खेलेकोमा माधवकुमार नेपाललाई बधाई दिएका छन् ।

सामाजिक सञ्जाल ट्वीटरमा लेख्दै बाँस्कोटाले संविधान संशोधन गर्न लगाएरै भए पनि निर्दलीय लोकतान्त्रिक व्यवस्थाको पहिलो प्रधानमन्त्री देउवालाई बनाई छाड्ने सफलता दिलाएको भन्दै नेता नेपाललाई बधाई दिएका हुन्।

साथै उनले सर्वोच्चको परमादेश बमोजिम प्रधानमन्त्री बन्न सफल भएकोमा शेरबहादुर देउवालाई पनि शुभकामना र बधाई दिएका छन् ।

उनले लेखेका छन्, ‘संविधान संशोधन गर्न लगाएरै भए पनि निर्दलीय लोकतान्त्रिक ब्यबस्थाको पहिलो प्रधान्मन्त्री देउवालाई बनाइ छाड्ने सफलता दिलाईदिनु भएकोमा माधब नेपाललाई र परमादेश धारा अनुसार प्रम बन्न सफल हनु भएकोमा शेरबहादुर देउवालाई सफलताको शुभकामना तथा हार्दिक बधाई !!!’

संबिधान शंसोधन गर्न लगाएरै भए पनि निर्ददलीय लोकतान्त्रिक ब्यबस्थाको पहिलो प्रधान्मन्त्री देउवालाई बनाइ छाड्ने सफलता दिलाईदिनु भएकोमा माधब नेपाललाई र परमाधेश धारा अनुसार प्रम बन्न सफल हनु भएकोमा शेरबहादुर देउवालाई सफलताको शुभकामना तथा हार्दिक बधाई!!!

— Gokul Prasad Baskota (@GokulPBaskota) July 13, 2021